როგორ უნდა მოიქცეთ თუ ძაღლი გიკბენთ, ან დაგკაწრავთ. რეკომენდაცია.

ცხოველთა მონიტორინგის სააგენტოს უფროსი ვახტანგ ლომჯარია რეკომენდაციას ავრცელებს, როგორ უნდა მოიქცეს, ადამიანი, თუ ძაღლი უკბენს, დაკაწრავს, ან დადორბლავს.


ლომჯარიას რეკომენდაციით, ძაღლის მიერ ნებისმიერი დაკაწვრის, დაკბენის, დადორბვლის შემთხვევაში აუცილებელია, რომ დაუყოვნებლივ მივმართოთ რაბიოლოგს, მაშინაც კი თუ ცხოველი იყო აცრილი. ინფორმაციას სააგენტო "ინტერპრესნიუსი" ავრცელებს.


მისი თქმით, რისკი იმატებს თუკი დაკბენა ნერვული დაბოლოებების არეალებში მოხდა, მაგალითად: თითებზე, თავის არეში.
„გაზაფხულსა და ზაფხულში სტანდარტულად მეტია ხოლმე იმიტომ, რომ ლეკვების დაბადების პერიოდში დედა შეიძლება უფრო აგრესიული იყოს. თუმცა აქვე აღვნიშნავ, რომ დაკბენის ფაქტები უფრო მეტია პატრონიანი ცხოველისგან, ვიდრე მიუსაფარი ცხოველებისგან. ძალიან მნიშვნელოვანია, რომ ყველას, ვისაც ცხოველი ჰყავს სახლში, აცრილი ჰყავდეს, როგორც ცოფზე, ასევე კოპლექსურებზე. სამწუხაროდ, ხშირია შემთხვევები, როდესაც პატრონები საკუთარ ოთხფეხა მეგობრებს ცოფზე არ ცრიან. მკაცრი რეკომენდაციაა, რომ ყველა პროცედურა დავიცვათ, მათ შორის ცხოველის იდენტიფიკაციის, ჩიპირების თუ აცრების მიმართულებით იმისთვის, რომ როგორც საკუთარი თავები, ასევე სხვებიც დავიცვათ,“ - განაცხადა ვახტანგ ლომჯარიამ.

ცხოველთა მონიტორინგის სააგენტოს უფროსმა მოსახლეობას მოუწოდა, არ მიატოვონ თავიანთი ძაღლები ქუჩაში. მისი თქმით, ცხოველის ყოლის სურვილის შემთხვევაში, სააგენტო მზად არის, როგორც ინდივიდუალურ პირებს, ასევე ორგანიზაციებს თავშესაფარში მყოფი ცხოველები აჩუქოს.

„ჩვენ მზად ვართ მოსახლეობასთან ნებისმიერი მიმართულებით ვითანამშრომლოთ, მაგალითად ადამიანებთან, რომლებსაც უნდათ იჩუქონ ლეკვი ან ბიზნესებთან, რომლებსაც ტერიტორიის დასაცავად მცველი სჭირდებათ. შეგიძლიათ, მოგვმართოთ და იჩუქოთ როგორც შერეული, ასევე ჯიშიანი ცხოველები თავშესაფრიდან,“ - აღნიშნა ლომჯარიამ.

წყარო - IMEDINEWS.GE

გამოგვიწერეთ და დაგვიმეობრდით ფეისბუქზე - fb.com/tsjjgufi 
 Follow Us on FaceBook - fb.com/tsjjgufi
Fb.com/GeorgeDadvanii