ტანგო - თავისუფლებისა და ვნების ცეკვა

ცეკვა, რომელიც 150 წელზე მეტს ითვლის.

სიტყვა "ტანგო" სათავეს იბიბოს დილექტიდან იღებს და აღნიშნავს "ცეკვას დოლის რითმებზე". 
ასევე არსებობს ვერსია, რომლის თანახმად, სიტყვა "ტანგო" წარმოიშვა ლათინური  "tangere"-დან, რაც ნიშნავს "შეხებას და კიდევ: "ტანგო"  ენათესავება ესპანურ "tambor"-ს და ნიშნავს "დოლს".

თუ ფიქრობთ, რომ "ტანგო" ევროპული ცეკვაა, თქვენ ცდებით; ტანგოს საფუძველია არგენტინული მილონგას, აფრიკელ ხალხთა მოძრაობების, ესპანური ფლამენკოსა და ინდიელების რიტუალური ცეკვების ნაზავი. ევროპაში შემოსვლისას კი "ტანგოს" მოძრაობებს დაემატა პოლონური "მაზურკისა" და გერმანული "ვალსის" ელემენტები. 
სხვათა შორის, თავდაპირველად "ტანგო" მხოლოდ მამაკაცების ცეკვა იყო.
დიდი ხნის მანძილზე "ტანგო" იყო, არგენტინის ღარიბ მცხოვრებთა ცეკვა.
მას ცეკვავდნენ ქალაქის ტავერნებსა და მოედნებზე.

XX საუკუნის დასაწყისში ცეკვა შეიჭრა ევროპაში და მაშინვე აიკრძალა, მოძრაობების ვულგარულობისა და ამორალობის გამო.

კათოლიკურ სამყაროში "ტანგო" განიკითხა პაპმა პიუს X-მ. რუსეთში კი, 1914 წლიდან მოქმედებდა აკრძალვა, სასწავლო დაწესებულებებში "ტანგოს" გავრცელებაზე.

ტანგოს მუსიკა

დავდაპირველად "ტანგოს" ცეკვავდნენ დოლის რითმზე.
შემდეგ კი დაემატა: ვიოლინო, ფლეიტა და გიტარა.
ზოგჯერ გიტარას ცვლიდა მანდოლინა.
განსაკუთვრებული და ყველასთვის ნაცნობი ხმოვანება "ტანგოს" მუსიკას შესძინა ბანდონეონმა.

ირონია მდგომარეობდა იმაში, რომ ამ ინსტრუმენტზე, რომელიც გამოგონილ იქნა XIX საუკუნეში გერმანიაში, სრულდებოდა სასულიერო სიმღერები საეკლესიო  დღესასწაულების დროს. XIX საუკუნის ბოლოს კი, ბანდონეონი შეტანილ იქნა არგენტინაში და შევიდა "ტანგო" ორკესტრის შემადგენლობაში.

ყველაზე ცნობილი კომპოზიციები ბანდონეონის მონაწილეობით დაწერილია არგენტინელი ასტორ პიაცოლას მიერ, რომელმაც ჩაუყარა საფუძველი 1980 წელს აღმოცენებულ სტილს "ტანგო ნუევო".

                                          

თუმცა, ყველაზე ცნობილი "ტანგო-მელოდია" დაწერა არა პიაცოლამ. 

თქვენ ის მოგისმენიათ ფილმში "ჯაზში მხოლოდ ქალიშვილები არიან", მერილინ მონროს მონაწილეობით, სცენაში, სადაც ქალის ფორმაში გადაცმული ჯეკ ლემონი ცეკვავს ტანგოს მილიონერთან.

                                         

კომპოზიციას ეწოდება "კუმპარსიტა", იგი დაწერილ იქნა 1916 წელს, უბრალო სტუდენტ-არქიტექტორის ჰერარდო ერნან მატის როდრიგესის მიერ. ის ისე გაერთო, რომ მიატოვა არქიტექტურა და თავი მიუძღვნა მუსიკას.

1924 წელს "კუმპარსიტასთვის" დაიწერა სიტყვები, რომლებმაც შემოიფრინა მთელი დასავლეთი სამყარო და გახადეს კომპოზიცია ძალიან პოპულარული.

სიმღერას ეწოდებოდა "Si Supieras", რაც ნიშნავს "შენ რომ იცოდე" და შესრულებულ იქნა მსახიობ კარლოს გარდელიეს მიერ. ეს ვერსია დღემდე სარგებლობს გაუგონარი პოპულარობით ლათინო ამერიკელებში.

                                       

მომზადებულია "Vokrugsveta.ru"-ს მიხედვით
გამოგვიწერეთ და დაგვიმეობრდით ფეისბუქზე - fb.com/tsjjgufi Follow Us on FaceBook - fb.com/tsjjgufi