მითი და რეალობა კორონავირუსის შესახებ - ჯანმოს განმარტებები

ჯანდაცვის მსოფლიო ორგანიზაცია კორონავირუსთან დაკავშირებით დასმულ მთავარ შეკითხვებს პასუხობს. რა არის მითი და რა - რეალობა:

1. ეფექტურია თუ არა ხელის საშრობები ახალი კორონავირუსის მოსაკლავად?

- არა. ხელების საშრობები ეფექტური არაა კორონავირუსის მოსაკლავად. ახალი კორონავისისგან თავის დასაცავად, ხშირად უნდა გაიწმინდოთ ხელები სპირტის შემცველი ხელსახოცით ან საპნით და წყლით დაიბანოთ. ხელები დაბანის შემდეგ უნდა გაიმშრალოთ საფუძვლიანად, ქაღალდის ხელსახოცის გამოყენებით ან საშრობით.

2. შეუძლია თუ არა ულტრაიისფერ სადეზინფექციო ნათურას ახალი კორნავირუსის მოკვლა?

- ულტრაიისფერი ნათურები არ უნდა გამოიყენოთ ხელების ან კანის სხვა ადგილების სტერილიზაციისთვის, რადგან ულტრაიისფერმა გამოსხივებამ შეიძლება გამოიწვიოს კანის გაღიზიანება.

3. რამდენად ეფექტურია თერმული სკანერები ახალი კორონავირუსით ინფიცირებული ადამიანების გამოვლენაში?

- თერმული სკანერები ეფექტურია იმ ადამიანების გამოვლენაში, რომლებსაც განუვითარდათ სიცხე ახალი კორონავირუსის ინფექციის გამო. თუმცა ის ვერ გამოავლენს იმ პირებს, რომლებიც ინფიცირებული არიან, მაგრამ ჯერ კიდევ არ აქვთ ცხელება.

4. შეუძლია თუ არა ალკოჰოლის ან ქლორის მთელ სხეულზე დასხმას ახალი კორონავირუსის მოკვლა?

- არა. ალკოჰოლის ან ქლორის სხეულზე დასხმა არ მოკლავს ვირუსებს, რომლებიც უკვე თქვენს სხეულშია. ასეთი ნივთიერებების დასხმა შეიძლება საზიანო იყოს ტანსაცმლისთვის ან ლორწოვანი გარსისთვის. გაითვალისწინეთ, რომ ალკოჰოლი და ქლორი შეიძლება სასარგებლო იყოს ზედაპირების დეზინფექციისთვის, მაგრამ მათი გამოყენება საჭიროა რეკომენდაციების შესაბამისად.

5. უსაფრთხოა თუ არა წერილის ან ამანათის მიღება ჩინეთიდან?

- დიახ, ეს უსაფრთხოა. წინა ანალიზებიდან ვიცით, რომ კორონავირუსები დიდხანს არ რჩება საგნებზე.

6. სახლში შინაურ ცხოველებს შეუძლიათ გაავრცელონ ახალი კორონავირუსი?

- დღეისათვის, არ არსებობს მტკიცებულება, რომ შინაური ცხოველები, როგორიცაა ძაღლები ან კატები, შეიძლება დაინფიცირდნენ ახალი კორონავირუსით. თუმცა, ყოველთვის კარგია, რომ ხელები საპნით და წყლით დაიბანოთ შინაურ ცხოველებთან კონტაქტის შემდეგ. ეს გვიცავს სხვადასხვა გავრცელებული ბაქტერიებისგან.

7. პნევმონიის საწინააღმდეგო ვაქცინები იცავს ახალი კორონავირუსისგან?

-არა. პნევმონიის საწინააღმდეგო ვაქცინები არ უზრუნველყოფენ დაცვას ახალი კორონავუსისგან.

8. ცხვირში ფიზიოლოგიური ხსნარის რეგულარული ჩაწვეთება ახდენს კორონავირუსისგან პრევენციას?

- არა. ამის არანაირი მტკიცებულება არ არსებობს.

9. ნივრის ჭამა დაგეხმარებათ კორონავირუსის ინფექციის თავიდან აცილებაში?

- ნიორი ჯანსაღი საკვებია, რომელსაც შეიძლება ჰქონდეს ანტიმიკრობული თვისებები. ამასთან, არ არსებობს რამე მტკიცებულება იმის შესახებ, რომ ნივრის მიღება ადამიანს ახალი კორონავირუსისგან იცავს.

10. ახდენს თუ არა ახალი კორონავირუსი გავლენას ასაკოვან ადამიანებზე, თუ ახალგაზრდები უფრო მგრძნობიარენი არიან?

- ყველა ასაკის ადამიანი შეიძლება დაინფიცირდეს ახალი კორონავირუსით (2019-nCoV). ხანდაზმული და ქრონიკული დაავადებების მქონე ადამიანები (მაგალითად, ასთმა, დიაბეტი, გულის დაავადება) არიან რისკ-ჯგუფში.

11. ეფექტურია თუ არა ანტიბიოტიკები ახალი კორონავირუსის პრევენციისა და მკურნალობისთვის?

- არა, ანტიბიოტიკები არ მუშაობს ვირუსების წინააღმდეგ, ისინი განკუთვნილია მხოლოდ ბაქტერიების გასანადგურებლად. ახალი კორონავირუსი (2019-nCoV) ვირუსია და, შესაბამისად, ანტიბიოტიკები არ უნდა გამოიყენოთ, როგორც პრევენციის ან მკურნალობის საშუალება. ამასთან, თუ საავადმყოფოში ხართ მოთავსებული კორონავირუსის გამო, შეიძლება მიიღოთ ანტიბიოტიკები, რადგან ბაქტერიული კო-ინფექცია შესაძლებელია განვითარდეს.

საქართველოში კორონავირუსის პირველი შემთხვევა 2020 წლის 26 თებერვალს დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც გუშინ აზერბაიჯანის გავლით ირანიდან შემოვიდა. საუბარია 50 წლის კაცზე. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება.

26 თებერვალს ჯანმომ განაცხადა, რომ კორონავირუსის პანდემიად გამოცხადების საფუძველი ჯერ არ არსებობს.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთში საქართველოს საელჩოში კი ცხელი ხაზი მოქმედებს.

©️ - imedinews.ge
გამოგვიწერეთ და დაგვიმეობრდით ფეისბუქზე - fb.com/tsjjgufi | Follow Us on FaceBook - fb.com/tsjjgufi