პროკურატურამ დეკანოზის საქმეზე მტკიცებულებები გამოაქვეყნა (+ვიდეო)

            

დეკანოზ გიორგი მამალაძის ადვოკატების თქმით, მთავარი პროკურატურის მიერ გავრცელებული ვიდეომასალა
დამონტაჟებულია.

"გაავრცელეს "შორენას დაბრედვა". გაავრცელონ დეკანოზის მიერ ნათქვამი მამა გაბრიელის სიტყვები. საზოგადოება მიხვდება, რომ დაბრედვაზე საუბარი არ არის", - ამბობს მიხეილ რამიშვილი.

"დაჭრეს, ამოიღეს, წინა უკან და უკანა წინ გადაიტან-გადმოიტანეს, შეკითხვაზე პასუხი და პასუხზე შეკითხვა მოჭრეს. ყველამ ნახა, ციანიდი არ უყიდია. არსად ამბობს, შორენას ან ვინმეს მოკვლას ვაპირებო, თანამდებობას მივიღებო. თანამდებობაზე საუბარს ირაკლი მამალაძე იწყებს. ჩანთის გასხნას სხვა ადვოკატი ესწრებოდა", - აცხადებს გიორგი ფანცულაია.

მთავარმა პროკურატურამ დეკანოზის საქმეზე გამოძიების შუალედური შედეგები და მტკიცებულებათა ნაწილი გაასაჯაროვა.