ყოველი მეათე ადამიანი თამბაქოს მოხმარებისაგან კვდება. როგორია საქართველოში ჩატარებული კვლევის შედეგები.

თამბაქოს მოხმარება მსოფლიოში ყოველი მეათე ადამიანის სიკვდილს იწვევს. ამის შესახებ ახალი კვლევა იტყობინება, რომელიც ჟურნალ The Lancet-ში გამოქვეყნებულ 2015 წლის ანალიზს ეყრდნობა.

მეცნიერების მონაცემებით, სიკვდილიანობა შეიძლება უფრო გაიზარდოს, რადგან თამბაქოს მწარმოებელი კომპანიები აგრესიულად ერთვებიან ახალ ბაზარში, განსაკუთრებით განვითარებად ქვეყნებში.  

„მიუხედავად იმისა, რომ უკვე საუკუნეზე მეტია არსებობს თამბაქოს მიღების უარყოფითი ზემოქმედების მტკიცებულებები, დღეს, ყოველი მეოთხე კაცი ყოველდღიურად ეწევა“, - აცხადებს კვლევის ერთ-ერთი ავტორი ემანუელა გაკიდოუ.

2015 წლის მონაცემებით თითქმის 1 მილიარდი ადამიანი ეწეოდა. ამათგან ყოველი მეოთხე კაცი და ყოველი მეოცე ქალი. ეს შედეგი 1990 წელზე უკეთესი იყო, როდესაც მსოფლიოში ყოველი მესამე კაცი ეწეოდა და ყოველი მეთორმეტე ქალი.

მოსახლეობის ზრდის გამო 1990 წლიდან მწეველების რაოდენობამ 870 მილიონით მოიმატა.

კვლევა აჩვენებს, რომ ზოგიერთმა ქვეყანამ წარმატებით მოახერხა მოწევის შეწყვეტა - ძირითადად გადასახადების გაზრდით, გამაფრთხილებელი შეფუთვებითა და საგანმანათლებლო პროგრამებით. მაგალითად, 25 წელიწადში, ბრაზილიის მწეველთა რაოდენობა კაცებში 29%-დან 12%-დე დაეცა, ხოლო ქალებში 19%-დან, დღეს მხოლოდ 8% ეწევა.

ამავე პერიოდში მწეველი ქალების რაოდენობა რუსეთში 56%-მდე გაიზარდა, როდესაც მწეველი კაცების რაოდენობა 11%-მდე დაეცა. მსგავსი ტენდენცია აზიურ ქვეყნებში ფიქსირდება. 

საქართველოში პარლამენტმა თამბაქოს შესახებ კანონში ცვლილებების პაკეტი პირველი მოსმენით გუშინ მიიღო. ცვლილებების მიხედვით, თამბაქოს მოწევა აიკრძალება დახურულ სივრცესა და საზოგადოებრივ ტრანსპორტში. 

წყარო - imedinews.ge