თბილისში თავდასხმას ახალგაზრდა კაცი ემსხვერპლა.

სროლა იყო ჯავახიშვილის 46 ნომერში. თვითმხილველთა თქმით, მათ 4 გასროლის ხმა გაიგეს. ქუჩის მცხოვრებლები ყვებიან, რომ ახალგაზრდა კაცი მანქანაში მარტო იყო, როდესაც მეორე მანქანიდან ცეცხლი გაუხსნეს. ის საავადმყოფოში სასწრაფო დახმარების მანქანის მისვლამდე, მოქალაქეებმა გადაიყვანეს.

ინგოროყვას კლინიკა მის გარდაცვალებას ადასტურებს და განმარტავს, რომ დაჭრილი ახალგაზრდა საავადმყოფოში სხეულზე ცეცხლსასროლი იარაღით მიყენებული მრავლობითი დაზიანებით მიიყვანეს. ის მალევე გარდაიცვალა.

შსს-ს პრესსამსახურში imedinews-ს უთხრეს, რომ მომხდარზე გამოძიება ორი მუხლით დაიწყო: განზრახ მკვლელობა (108-ე) და ცეცხლსასროლი იარაღის მართლსაწინააღმდეგო შეძენა-შენახვა (236-ე). ამ დროისთვის პოლიცია თავდამსხმელის დასაკავებლად ინტენსიურ სამძებრო ღონისძიებებს ატარებს.

წყარო - imedinews.ge