ძლიერი მიწისძვრა თურქეთსა და საბერძნეთში. არის მსხვერპლიც.

თურქეთში მიწისძვრის შედეგად 360-მდე ადამიანი დაშავდა

თურქეთის სანაპიროებთან მომხდარი მიწისძვრის შედეგად სამედიცინო დახმარება სულ მცირე 358 ადამიანს დასჭირდა. ამის შესახებ თურქეთის ჯანდაცვის მინისტრზე დაყრდნობით Rappler წერს.

აჰმედ დერმიჯანის განცხადებით, 272 ადამიანი სხვადასხვა სახის დაზიანებებით საავადმყოფოებში გადაიყვანეს. მათგან 25 დაშავებული ამ დრომდე კლინიკებში რჩევა.

6,7 მაგნიტუდის სიმძლავრის მიწისძვრა თურქეთის სანაპიროებთან ეგეოსის ზღვაში მოხდა. 

სეისმოლოგების ცნობით, ეპიცენტრი საკურორტო ქალაქ ბოდრუმიდან 10 კილომეტრის და საბერძნეთის კუნძულ კოსიდან 16 კილომეტრის მოშორებით მოხდა. ამიტომაც მიწისქვეშა ბიძგები ორივე ქვეყანაში იგრძნობოდა. საბერძნეთში მიწისძვრას 2 ადამიანი ემსხვერპლა.

მიწისძვრა იმდენად ძლიერი იყო, რომ მცირე ზომის ცუნამიც წარმოიშვა. 

ძლიერ მიწისძვრას საბერძნეთის კუნძულ კოსზე 2 ადამიანი ემსხვერპლა. მაშველებმა დანგრეული შენობიდან 3 ადამიანი ამოიყვანეს.

თურქეთის ქალაქ მუგლაში ჰოსპიტალიზებულია რამდენიმე ადამიანი. რამდენიმე ადამიანი ფანჯრიდან გადახტომისას დაშავდა. ბოდრუმის საავადმყოფოში 70-მდე ადამიანი მიიყვანეს.

6,7 მაგნიტუდის მიწისძვრის ეპიცენტრი ეგეოსის ზღვაში იყო, თურქეთის კურორტ ბოდრუმიდან 10,3 კილომეტრის და საბერძნეთის კუნძულ კოსიდან 16,2 კილომეტრის დაშორებით.

მიწისძვრამ ნგრევა და მცირე ცუნამი გამოიწვია.

წყარო - imedinews.ge