როდესაც რაღაც იწყება მას დასასრული აუცილებლად ექნება, თუმცა ეს ის შემთხვევაა, როდესაც დასარული ჯერ კიდევ შორსაა.
ჩვენი ჯგუფი 2012 წლის 15 აპრილს შეიქმნა და დღემდე წერდა ისტორიას, რომელსაც თქვენ ყოველდღიურად კითხულობდით.
რა თქმა უნდა, იყო ბევრი სირთულე, თუმცა მის გარეშე წინსვლა წარმოუდგენელია.
როგორც უკვე იცით, ან ჯერ კიდევ არ იცით, 31 ოქტომბერს სრულდება ჩვენი ვებ-გვერდის, "ფეისბუქ" გვერდის, "ტვიტერ" გვერდისა და "იუთუბ" არხის განახლება, ანუ ჩვენი პორტალის რებრენდინგი. შეიცვლება ყველაფერი, რასაც დღემდე ხედავდით.
შეიძლება ითქვას, რომ ეს იქნება 7 წლიანი ისტორიის ახალი ფურცლები, რომლებიც განაგრძობენ წიგნის აკინძვას. წიგნის, რომელიც ალბათ ოდესღაც აუცილებლად დასრულდება და ამ ჯგუფის თითოეული ყოფილი, თუ ამჟამინდელი წევრის გულის თაროზე დაიკავებს საპატიო ადგილს.
ეს ხომ ის ტკბილი პერიოდია, რომელსაც თინეიჯერობას ვუწოდებთ.
ძალიან მოკლედ გეტყვით ამ ჯგუფის წევრების შესახებ.
თითოეული ჩვენგანი დღეს, საქართველოს სხვადასხვა უნივერსიტეტის სტუდენტია.
მაშინ, როცა ჯერ კიდევ ერთ გზაზე ვიდექით, რომელსაც ერთი მიზნისკენ, სტუდენტობისკენ მივყავდით, ჩამოვაყალიბეთ ეს ჯგუფი, რომელიც მაშინ თითოეული ჩვენგანისთვის ძალიან მნიშვნელოვანი იყო და მისი განვითარებისთვის ყველაფერს ვაკეთებდით.
მოკლედ, ამ საქმეს მივუძღვენით საუკეთესო წლები. დღეს ყველა ჩვენგანს ახალი და მეტად დიდი მიზნები გვაქვს, რომლებისკენ სწრაფვასაც შევუდექით.
უკვე მოგიყევით ცოტაოდენი წარსულის შესახებ, ახლა გადავიდეთ ყველაზე საინტერესოზე, რომელსაც "მომავლით" დავასათაურებდი. 😊
მომავალი:
31-ში ჩვენი გვერდებისა და ჯგუფის ახალ სახეს იხილავთ.
განსხვავებული თემები, მივიწყებული, ახალი და საინტერესო ფაქტები, ახალი ამბების განხილვები და რეალური სახე, გადაცემები და საინტერესო ვიდეოები, ცოდნის გაცემაზე ორიენტირებულები, სწორედ ეს არის ჩვენი ჯგუფის ახალი სახე.
ახალი ლოგო, ახალი სახელი. მხოლოდ, იმ წლების ათვლა არ შეჩერდება, რომლებმაც გარკვეული გამოცდილება და კვალი დაგვიტოვეს.
მეტის მოყოლა არ შემიძლია. დანარჩენი თავად უნდა ნახოთ. გვისურვეთ წარმატება.😊
შეხვედრამდე. საუკეთესო სურვილებით, გიორგი. 😉
TSJ GROUP 2019 ©️ - დღემდე ყველა უფლება დაცული იყო, ასეც გაგრძელდება. 😊
გამოგვიწერეთ და დაგვიმეობრდით ფეისბუქზე - fb.com/tsjjgufi Follow Us on FaceBook - fb.com/tsjjgufi
Comments
Post a Comment
მადლობა კომენტარისთვის! | TSJ GROUP Tech |