საგანგებო სიტუაციების მართვის სამსახური სტეფანწმინდაში, კობის საავტომობილო გზაზე ჩამოწოლილ ზვავთან დაკავშირებით, რომელსაც მსხვერპლი მოჰყვა, ინფორმაციას ავრცელებს.
ადგილზე მისული მეხანძრე-მაშველების ინფორმაციით, თოვლის მასის ჩამოწოლის შედეგად ჩავარდილ სატრანსპორტო საშუალებაში 3 ადამიანი იმყოფებოდა. შემთხვევის შედეგად გარდაცვლილია ერთი ქალი, რუსეთის მოქალაქე. საგანგებო სიტუაციების მართვის სამსახურის თანამშრომლების მიერ ხევიდან ამოყვანილია ორი ადამიანი, რომელთაგან ერთს, საქართველოს მოქალაქეს მოტეხილობა აღენიშნება, ხოლო მეორე, სომხეთის მოქალაქე, უსაფრთხო ადგილზე უვნებლად არის გამოყვანილი. მათ სიცოცხლეს საფრთხე არ ემუქრება.
ადგილზე მუშაობდნენ საგანგებო სიტუაციების მართვის სამსახურის მცხეთა-მთიანეთის მთავარი სამმართველოს და განსაკუთრებულ სიტუაციებზე რეაგირების მთავარი სამმართველოს სწრაფი რეაგირების სამაშველო ჯგუფები.
©️ - imedi.ge | Photo - საგანგებო სიტუაციების მართვის სამსახური
გამოგვიწერეთ და დაგვიმეობრდით ფეისბუქზე - fb.com/tsjjgufi Follow Us on FaceBook - fb.com/tsjjgufi
Comments
Post a Comment
მადლობა კომენტარისთვის! | TSJ GROUP Tech |