TSJ GROUP

კვამლში გახვეული ბორჯომის ხეობა ხანძრის გაჩენიდან მესამე დღეს. სოფ. დაბა, 22 აგვისტო, 2017 წ. ფოტო: ვახო ხეთაგური უკვე რამდენიმე თვეა National Geographic საქართველო მუშაობს სტატიაზე, რომლის გამოქვეყნება შემოდგომის ერთ-ერთ ნომერში იგეგმებოდა. სტატიის მთავარი თემა ბორჯომის ხეობის ტყე იყო და ჩვენს მიზანს წარმოადგენდა, გაგვეანალიზებინა, თუ რა პროცესები მოსდევს ტყის მასიურ გადაწვას, რა ემართება ბიომრავალფეროვნებას და როგორ ხდება ტყის რეგენერაცია. გვინდოდა, მკითხველისთვის დაგვენახებინა ის პროცესები, რომლებიც თვალით ხილულის მიღმა მიმდინარეობს და ჩვენს ეკოსისტემასა და თითოეულ ჩვენგანზე ახდენს გავლენას. მიმდინარე წლის 20 აგვისტოს დაწყებული ტრაგედიის გამო, გადავწყვიტეთ, სტატიის მოკლე ვერსია ვებგვერდის საშუალებით შემოგთავაზოთ - სამწუხაროდ, ჟურნალში გამოქვეყნებამდე მასში ბევრი რამის შეცვლა მოგვიწევს და 2008 წლის აგვისტოს ტრაგედიასთან ერთად, 2017 წლის აგვისტოს ხანძრის გაანალიზებაც. სოფ. დაბა. 2017 წლის 21 აგვისტო. ხანძრის გაჩენიდან მეორე ღამე. ტყის პირას მობილიზებულია სახანძრო მანქ...

ქვემო კალიფორნიის მოსახლეობა თევზჭერას ზღუდავს ბიომრავალფეროვნების აღდგენის, ტურიზმისა და ტრადიციული ცხოვრების წესის შესანარჩუნებლად. კალიფორნიის ნახევარკუნძულის შუაგულში, მექსიკის ერთ პატარა სოფელში დღესასწაულია; ამ დღეს მუცელფეხიანი მოლუსკი ჰალიოტისის ჭერის სეზონი იხსნება. ოფიციალურად სეზონი ოთხი თვის წინ გაიხსნა, მაგრამ პუნტა აბრეოხოსში უჩვეულო თვითაკრძალვის წესი მოქმედებს. მოსახლეობა მოლუსკებს ზრდასა და წონაში მატებას აპრილამდე აცდის. მთელ მსოფლიოში თევზის პოპულაციები მკვეთრად მცირდება. თუმცა, ჩრდილო-დასავლეთ მექსიკის რამდენიმე დასახლება თავისი წყალქვეშა რესურსების დაცვას მაინც ახერხებს. ადგილობრივი მოსახლეობის მიერ ოკეანის მდგრადი მართვის ხუთი ძირითადი წესი გამოიკვეთა: პირველი - კარგია, თუ თევზჭერის ზონა შედარებით იზოლირებული თევზჭერის ზონა; მეორე - ძვირადღირებული რესურსი; მესამე - შორსმჭვრეტელი ლიდერი; მეოთხე - თავის რჩენის საშუალება იმ პერიოდებში, როცა რესურსების აღდგენა ხდება; და ბოლოს, ერთმანეთის ნდობა. „ამბობენ, რომ სახეობებს მეთევზეები ანადგურებენ, მაგრამ ასე აღა...

ქარიშხალი ირმა ისევ მძვინვარებს. იხილეთ შოკისმომგვრელი ვიდეო, რომელიც "ირმას" მიერ დატოვებული კვალის შესახებ გახლავთ.

 ძველი რომის, დიდებული არქიტქტურული ნამუშევრების უარყოფა შეუძლებელია: ყოველწლიურად ათიათასობით ტურისტი სტუმრობს იტალიას, იმიტომ რომ საკუთარი თვალებით შეხედოს ძველი რომის ნამდვილ ნაგებობებს, თაღები, ამფითეატრები,ძველი აბაზანები და რაც მთავარია კოლიზეუმი. თუმცა ეს ადრეული პერიოდიდან შემორჩენილი ნაგებობებია. ცხოვრება წინ, განვითარებისკენ მიიწევს, შესაბამისად იხვეწება არქიტექტურაც. ერთხელაც "Vokrug Sveta" დაინტერესდა რომის თანამედროვე ნაგებობებით და მიაგნო საოცარი დიზაინით აგებულ შენობებს. (იხ.ფოტოები)

გუგული, რომელიც ცნობილია მშობლის პასუხისმგებლობების უგულვებელყოფით, კიდევ უფრო დახვეწილი ფრინველი აღმოჩნდა, ვიდრე ადრე იყო ცნობილი. იმისათვის რომ სხვის ბუდეში დადოს კვერცხები, აშინებს ბუდის პატრონს არწივის ხმით. ეს მტაცებლური ხმა, რომელიც წააგავს სიცილს, ზრდის გუგულის შანსებს წარმატებისკენ.ფრინველები ტოვებენ თავიანთ ბუდეებს, ისევ საკუთარი თავის უზრუნველსაყოფად. შეიძლება ითქვას რომ, ამ ოპერაციის დასასრულს გუგული "იცინის ბოლოს" - წერენ მკვლევარები, კემბრიჯის უნივერსიტეტიდან (დიდი ბრიტანეთი) თარგმანი - გიორგი დადვანი სტატია - vokrugsveta.ru

საქართველოს საკალათბურთო ნაკრებმა ევროპის ჩემპიონატზე მეორე გამარჯვება მოიპოვა.ქართველმა კალათბურთელებმა მასპინძელი ისრაელის ნაკრები ოვერ ტაიმში ანგარიშით 104:91 დაამარცხეს. საქართველოს ნაკრებში საუკეთესო თორნიკე შენგელია გახდა, რომელმაც 25 ქულა და 19 მოხსნა მიითვალა,ხოლო ისრაელის ნაკრებში 23 ქულით თავი გალ მეკელმა გამოიჩინა.ქართველი კალათბურთელები მომდევნო შეხვედრას ხვალ იტალიის ნაკრების წინააღმდეგ გამართავენ. შეხვედრა თბილისის დროით 18:30 საათზე დაიწყება. imedinews.ge

მსოფლიო ჩემპიონატის შესარჩევი ეტაპის შეხვედრაში საქართველოს ფეხბურთელთა ნაკრებმა ვენაში ავსტრიის ნაკრებთან ფრედ 1:1 ითამაშა.ჯვაროსნების რიგებში ჯანო ანანიძეს გადაცემის შემდეგ გოლი ვაკო გვილიამ გაიტანა. პირველი ტაიმის მიწურულს მასპინძლებმა ანგარიში გაათანაბრესგამართული 8 ტურის შემდეგ საქართველოს ნაკრები ჯგუფში 5 ქულით ბოლოს წინა მე-5 ადგილზე იმყოფება. საქართველოს ეროვნული ნაკრები მომდევნო შეხვედრას 6 ოქტომბერს ბორის პაიჭაძის სახელობის სტადიონზე უელსის წინააღმდეგ გამართავს. imedinews.ge

ირლანდიელი მოკრივე კონორ მაკგრეგორი David Augustის მარკასთან ერთად ტანსაცმლის და აქსესუარების ხაზის შექმნას აპირებს. ამის შესახებ  HighSnobiety იუწყება. ბრენდის სახელწოდება იქნება August McGregor-ი და ბაზარზე 2018 წლიდან გამოჩნდება. კოლექციაში იქნება პერანგები, პიჯაკები და აქსესუარები, თანაც ხელმისაწვდომ ფასებში. “ძალიან მიყვარს მოდა და მოხარული ვარ ის ჩემს თაყვანისმცემლებს გავუზიარო. ამით მათ შესაძლებლობა მიეცემათ ჩემი საკულტო სახე საკუთარ თავზე მოირგონ. დიდი ხანია მე და დევიდი ტანსაცმლის ხაზის შექმნაზე ვსაუბრობთ და სერიოზულ გადაწყვეტილებამდეც მივედით. საზოგადოებას მოეწონება შედეგი“, - აცხადებს მაკგრეგორი. დაახლოებით თვენახევრის წინ  David August -მა მაკგრეგორს შეუკერა კოსტუმი, უცენზურო წარწერებით. ეს კოსტუმი სპორტსმენმა 12 ივლისს თავის მოწინააღმდეგესთან, ამერიკელ მოკრივესთან, ფლოიდ მეიუეზერთან პირველი შეხვედრის დროს ჩაიცვა. imedinews.ge

ატლანტიკის ოკეანის თავზე ახალი ტროპიკული ქარიშხალი “ხოსე“ ჩამოყალიბდა. ამის შესახებ  Reuters-ი  აშშ-ს ქარიშხლების პროგნოზირების ეროვნული ცენტრის მონაცემებზე დაყრდნობით იტყობინება. ცენტრის ცნობით, ამ დროისთვის, მისი ხმელეთზე გამოსვლის საფრთხე არ შეინიშნება. მისი ცენტრი ამჟამად მცირე ანტილის კუნძულების აღმოსავლეთით 2420 კილომეტრზეა. ის 20 კმ/სთ სიჩქარით მოძრაობს. ქარიშხლის ეპიცენტრში ქარის სიჩქარე 65 კმ/სთ-შია. თუმცა, მეტეოროლოგების ყურადღების ცენტრში კვლავ ქარიშხალი ირმა რჩება, რომელმაც დღეს მაქსიმალურ მეხუთე კატეგორიას მიაღწია. მისი ქარის სიჩქარე 285 კმ/სთ-ს აღწევს. 26 აგვისტოს კი შტატებს უკანასკნელი 12 წლის განმავლობაში ყველაზე მძლავრი ქარიშხალი “ჰარვი დაატყდა თავს. ბოლო მონაცემებით მან 60 ადამიანის სიცოცხლე  იმსხვერპლა. imedinews.ge

ზუგდიდის რაიონის სოფლების მოსახლეობა თხილის მოსავლის პრობლემებზე საუბრობს. „ევროპული საქართველოს“ ზუგდიდის მერობის კანდიდატთან ლელა ქებურიასთან შეხვედრისას, სოფელ დარჩელის მცხოვრებლები ამბობენ, რომ აზიური ფაროსანის ხოჭომ მოსავალი მთლიანად გაანადგურა. ლელა ქებურიას განცხადებით, „ევროპულ საქართველოს“ მთლიანად დათვლილი აქვს მოსახლეობის ზარალი და ხელისუფლებას პრობლემის მოგვარებისკენ მოუწოდებს. სამეგრელოში თხილი ადგილობრივების თითქმის ერთადერთი შემოსავალია და ამჯერად მოსავალს აღარავინ იბარებს. imedinews.ge

ოკეანის ტემპერატურის 1 გრადუსით გაზრდა, აორმაგებს ოკეანეში მცხოვრები ორგანიზმების ზრდის ტემპს, რაც ამცირებს ბიომრავალფეროვნებას. ამ ჰიპოთეზის დასამტკიცებლად, მეცნიერები  ბრიტანეთის ანტარქტიდული სამსახურიდან და სმიტსონის, ეკოლოგიური კვლევითი ცენტრიდან, პირდაპირი მნიშვნელობით გაათბეს ანტარქტიდის ზღვის მცირე ნაწილი. ადრეა გამოიტანო განაჩენი, გლობალური დათბობის ზღვის ფლორა და ფაუნაზე გავლენის შესახებ. ექსპერტებმა 9 თვიანი ექსპერიმენტი ჩაატარეს, ბელინგსჰაუზენის დასავლეთ ნაწილში.(ანტარქტიდა) ზღვის ორ ნაწილში იყო განთავსებული გამათბობელი ელემენტები, მათი დახმარებით ერთ ნაწილში ტემპერატურამ  1 °С - ით აიწია - მეორე ნაწილში კი  2 °С -ით.

  ამერიკაში ტეხასის შტატში ტორნადო მძვინვარებს. სტიქიას, სულ მცირე, 5 ადამიანის სიცოცხლე ემსხვერპლა, 50 ადამიანი კი მძიმედ დაშავდა. დაზარალებულები ადგილობრივ საავადმყოფოებში არიან გადაყვანილი. დალასიდან, დაახლოებით, 95 კილომეტრით დაშორებულ ქალაქ კანტონს თავს ძლიერი შტორმიც დაატყდა. ადგილობრივი ტელეკომპანიის მიერ გავრცელებულ კადრებში გადაბრუნებული მანქანები, ძირიანად ამოთხრილი ხეები და განადგურებული სახლები ჩანს. კანტონის სახანძრო სამსახურის ცნობით, საწყობის დაზიანების შედეგად უცნობი ქიმიური ნივთიერებების გაჟონვაც მოხდა.              სტატია - Palitranews.ge

სასულიერო პირის ჩხუბის კადრებმა სოც.ქსელები მოიარა და ერთგვარ ჰიტადაც იქცა. ერთ-ერთი ვერსიით, საჭესთან მჯდომ მღვდელს, გზა მანქანამ ჩაუჭრა და სიტყვიერი შეურაცხყოფაც მიაყენეს, რაც დაპირისპირების მიზეზი გახდა.

მაღაზიის გამყიდველს "გმირის" ტიტული მიანიჭეს მას შემდეგ, რაც მან ორი შეიარაღებული მძარცველის მოგერიება შეძლო. ინფორმაციას   The Independent -ი ავრცელებს.  კანადის ქალაქ კალგარიში, ნისარ აჰმედი მარტო მუშაობდა, როდესაც მაღაზიაში ორი ქურდი შემოიჭრა. აჰმედმა თავიდან განუცხადა, რომ შეუძლიათ ყველაფერი აიღონ, თუმცა შემდეგ ერთ-ერთი მძარცველი გამოიჭირა და შემდეგ მეორეს გაჩერებაც შეძლო.  აჰმედმა ერთ-ერთისთვის ნიღბის მოხსნაც შეძლო და შემდგომ ისინი მაღაზიაში გამოკეტა. ბოლოს მის დასახმარებლად პოლიციელებიც გამოჩდნენ.             imedinews.ge

ფოტო: ნინო არღვლიანი თავისუფლების მოედანზე მდებარე სასტუმრო "რუსთაველში" გაჩენილი ხანძრის გამო, შენობაში ევაკუაცია მოხდა. სასტუმროს ერთ-ერთი მფლობელი იციკ მოშე ამბობს, რომ ხანძარი მხოლოდ ერთ ნომერში გაჩნდა და მისი გავრცელების საფეთხე არ არსებობს.  თავისუფლების მოედანზე ამ წუთებში 2 სახანძრო და რამდენიმე ათეული მეხანძრე მუშაობ. ადგილზე იმყოფებიან სამართალდამველები. სასტუმროს თანამშრომელთა ინფორმაციით, ხანძარი ერთ-ერთ ნომერში, სავარაუდოდ, ვიზიტორის დაუდევრობის გამო  გაჩნდა . წინა სტატია

ადამიანების დიდი ნაწილისთვის აეროპორტში თვითმფრინავის ლოდინი და შემდეგ საათობით თვითმფრინავში ჯდომა გარკვეულ უსიამოვნებასა და სტრესთანაც არის დაკავშირებული. სწორედ ამ უარყოფითი ემოციების გასანეიტრალებლად ვანკუვერის აეროპორტში მგზავრებს ახალ თერაპიულ მეთოდს სთავაზობენ - დრო ძაღლებთან ერთად გაატარონ. ინფორმაციას CBC  ავრცელებს. თითოეულ ძაღლს ყელზე განსხვავებული ბენდენები უკეთია, ამიტომ მათი გარჩევა სხვა მოგზაური ძაღლებისგან მარტივია. აეროპორტში ამ პროგრამის მონაწილე 7 ძაღლია. მათი მთავარი დანიშნულებაა გაართონ რეისის მომლოდინე მგზავრები. ძაღლები თავისუფლად გადაადგილდებიან აეროპორტის მოსაცდელ დარბაზში და მათთან მიახლოება, მოფერება და დროის გატარება ყველას შეუძლია. imedinews.ge

ფოტო: ვასილ დაბრუნდაშვილი ბორჯომის ხეობაში ხანძრის ახალი კერა გაჩნდა. ადგილზე უკვე მივიდნენ მეხანძრეები და სამაშველო ბრიგადები. პოლიციამ ტერიტორიამდე მისასვლელი გზა გადაკეტა. დილიდან ვრცელდებოდა ინფორმაცია იმის შესახებ, რომ ხეობაში ხანძარი  ლიკვიდირებულია . ენერგეტიკის მინისტრ ილია ელოშვილის თქმით, ვიდრე გვალვიანი პერიოდია, ხეობაში სრული მობილიზება იქნება.  სომხურმა და აზერბაიჯანულმა დამხმარე სამაშველო ძალამ, რომელიც ქართველ სამაშველო ჯგუფს ბორჯომის ტყის ხანძრის ჩაქრობაში ეხმარებოდა, ხეობა უკვე  დატოვა.  ბორჯომის ხეობაში ხანძარი 20 აგვისტოს  გაჩნდა . სატყეო სააგენტოს ტყის მოვლა-აღდგენის სამსახურის უფროსის ნათია იორდანიშვილის განცხადებით, ხანძარი ბორჯომის ტყეში იმ  250 ჰექტარ  ტერიტორიაზე გაჩნდა, რომელიც 2008 წლის ომის დროს პირწმინდად განადგურდა. შესაბამისად ცეცხლი ძირითადად ბალახს, ბუჩქნარს და ახალ ნარგავებს ეკიდა. ხანძარი ხის ვარჯებზე, შეიძლება ითქვას, არ გადასულა. სტატიის გაგრძელება

ბორჯომის ხეობაში, სოფელ დაბაში გაჩენილი ხანძრის ახალი კერა მეხანძრეებმა უკვე ჩააქრეს. სოფელ დაბაში ხანძრის ახალი კერა ქარმა გააღვივა. დილიდან ვრცელდებოდა ინფორმაცია იმის შესახებ, რომ ხეობაში ხანძარი  ლიკვიდირებულია . ენერგეტიკის მინისტრ ილია ელოშვილის თქმით, ვიდრე გვალვიანი პერიოდია, ხეობაში სრული მობილიზება იქნება.  სომხურმა და აზერბაიჯანულმა დამხმარე სამაშველო ძალამ, რომელიც ქართველ სამაშველო ჯგუფს ბორჯომის ტყის ხანძრის ჩაქრობაში ეხმარებოდა, ხეობა უკვე  დატოვა .  ამ დროისთვის ბორჯომის ხეობაში შინაგან საქმეთა და თავდაცვის უწყების რამდენიმე ასეული თანამშრომელი რჩება. ბორჯომის ხეობაში ხანძარი 20 აგვისტოს  გაჩნდა . სატყეო სააგენტოს ტყის მოვლა-აღდგენის სამსახურის უფროსის ნათია იორდანიშვილის განცხადებით, ხანძარი ბორჯომის ტყეში იმ 250 ჰექტარ ტერიტორიაზე  გაჩნდა , რომელიც 2008 წლის ომის დროს პირწმინდად განადგურდა. შესაბამისად ცეცხლი ძირითადად ბალახს, ბუჩქნარს და ახალ ნარგავებს ეკიდა. ხანძარი ხის ვარჯებზე, შეიძლება ითქვას, არ გადასულა. წყარო ...

ბორჯომის ხეობაში ხანძრის სალიკვიდაციო სამუშოებში დღეს ავიაცია ისევ ჩაერთო. ხანძრის მცირე კერების ჩაქრობაში სასაზღვრო პოლიციის ერთი ვერტმფრენი მონაწილეობს. ეს გადაწყვეტილება საგანგებო შტაბმა მიიღო, რადგან ბორჯომის ხეობაში ნისლი აღარ არის.   ბორჯომის ხეობაში ავიაციის მუშაობა ნისლის გამო  შეჩერებული იყო . რეგიონული განვითარების მინისტრმა დილით, საგანგებო შტაბის სხდომის შემდეგ განაცხადა, რომ საჭიროების შემთხვევაში ავიაცია განაახლებს მუშაობას.  საქართველო ამ ეტაპზე მხოლოდ თურქულმა თვითმფრინავმა დატოვა. კრიტიკულად მიჩნეულ ადგილებში მთელი ღამის განმავლობაში იმოფებოდნენ სამხედროები, რათა საჭიროების შემთხვევაში ოპერატიულად ემოქმედათ. ხეობაში ღამემ გართულებების გარეშე ჩაიარა.  დილის 6 საათიდან საგანგებო შტაბში იმყოფებიან შს, ინფრასტრუქტურის და ენერგეტიკის მინისტრები.

                                           ბორჯომის ხეობა                                                ფოტო: ცოტნე გეგეჭკორი 21 აგვისტოს, ბორჯომის ხეობაში დაწყებული ხანძრის ლიკვიდაცია ამ დრომდე ვერ ხერხდება. დამწვარი ტყის ზუსტი ფართობი ჯერ უცნობია. სავარაუდოდ, ის 10 ჰექტარს აჭარბებს. გთავაზობთ, "იმედის" ფოტოკოლაჟს სტიქიის ზონიდან.    

ბორჯომის ხეობაში დილიდან მუშაობა განაახლეს ვერტმფრენებმა. სტიქიის ზონაში მძიმე ტექნიკა მთელი ღამის განმავლობაში მუშაობდა. ამასთან, დღეს დილით ხეობაში ქართველი ჯარისკაცები ჩავიდნენ.  1000 ჯარისკაცი მიეხმარება იმ მეხანძრეებსა და მაშველებს, რომლებიც ხეობაში მუშაობენ.  ბოლო ინფორმაციით, გაჭრილია ხანძრის კერებთან მისასვლელი გზები, საერთო ჯამში, 12 კილომეტრი. სწორედ ამ გზების მეშვეობით უახლოვდება ცეცხლის კერებს მძიმე ტექნიკა. ხანძრის ძირითადი მონაკვეთები სპეციალურ თხრილების რკალშია მოქცეული, რაც გავრცელების რისკს მინიმუმამდე ავრცელებს. კვლავ აქტიურია ის ადგილები, სადაც ცეცხლი ქარის შედეგად ხელახლა გაჩნდა. წყარო - imedinews.ge

წეროვანში ხანძარი ლოკალიზებულია. ბოლო ინფორმაციით, ცეცხლი 8-10 ჰექტარ ბალახსა და ბუჩქნარს მოედო. ადგილზე მობილიზებულია სახანძრო სამსახურის სამი ეკიპაჟი და ამჟამად მცირე კერების ჩაქრობა მიმდინარეობს. ხანძრის შედეგად, არავინ დაშავებულა. ​ინფორმაციას  1tv  ავრცელებს. მცხეთის მუნიციპალიტეტის გამგებლის, ზურაბ აბესაძის განცხადებით, ხანძრის გამომწვევი მიზეზი სავარაუდოდ მოსახლეობის დაუდევრობა გახდა.

დღეს საქართველოს მასშტაბით ხანძარი 6 ლოკაციაზე იყო. უმეტეს ადგილას ხანძრის ლოკალიზება მოხერხდა. დღის შემაჯამებელ ინფორმაციას  Ipress  ავრცელებს. ყველაზე რთული მდგომარეობა ისევ  ბორჯომის  ხეობაშია, სადაც ხანძრის ლოკალიზება ისევ ვერ მოხერხდა, თუმცა შესაბამის სამსახურებში აცხადებენ, რომ ხანძრის სიძლიერე შედარებით შესუსტდა.  გუშინ  ატენის  ხეობაში გაჩენილი ხანძრის ლოკალიზება სამაშველო სამსახურებმა მოახერხეს.  ამას გარდა ხანძარი იყო რუსთავის გზატკეცილზე,  დუშეთის  მუნიციპალიტეტში. ხანძარი იყო ფშავ-ხევსურეთში -  ანდაქის ხეობაში.  რამდენიმე წუთის წინ ცნობილი გახდა, რომ ხანძარია წეროვანშიც. ბოლო ინფორმაციით,  ხანძარი  დაახლოებით 6 კმ-ის მიწის ფართობზეა გავრცელებული. მის ჩასაქრობად 2 ჯგუფი - 10 მეხანძრე-მაშველია გასული. სამაშველო სამსახურის ინფორმაციით, ხანძარი დაახლოებით 15 წუთში ლიკვიდირებული იქნება. წყარო - imedinews.ge

დამსვენებლების ინფორმაციით, საპატრულო პოლიცია ბორჯომის ხეობაში მყოფ მოქალაქეებს ამოწმებს. ინფორმაციას  Ipn  ავრცელებს. ლიკანში მყოფი ერთ-ერთი დამსვენებლის განცხადებით, სასტუმროში, სადაც იმყოფებოდა, საპატრულო პოლიციის წარმომადგენლები მივიდნენ, მოქალაქეების პირადობის მოწმებებითა და სამუშაო ადგილის შესახებ ინფორმაციით დაინტერესდნენ.  ”ამოწმებენ ყველას, ვინც 18 აგვისტოს შემდეგ ბორჯომის ხეობაშია, მოითხოვეს პირადობები, ნომრები და სამუშაო ადგილები”, - აცხადებს ლიკანში მყოფი დამსვენებელი. შს მინისტრი, გიორგი მღებრიშვილი არ ადასტურებს ინფორმაციას ყველა დამსვენებლის შემოწმების შესახებ. "გამოძიების ფარგლებში მიმდინარეობს საგამოძიებო მოქმედებები. ვერ დავადასტურებ, რომ ყველა დამსვენებელს იბარებენ და კითხავენ, თუმცა ის, ვინც ინტერესის ობიექტია, ყველასთან მიმდინარეობს საგამოძიებო მოქმედებები",- განაცხადა შს მინისტრმა. წყარო - imedinews.ge

მესტიაში, ჭალაადის მყინვარზე უბედური შემთხვევა მოხდა. მყინვარიდან დაგორებულმა ლოდმა 22 წლის უნგრელი ტურისტი იმსხვერპლა. ინფორმაციას  1tv  ავრცელებს. ახალგაზრდა კაცის ცხედარს უკვე ჩაუტარდა სასამართლო სამედიცინო ექსპერტიზა.  მომხდარს მესტიის მუნიციპალიტეტის გამგებელი, კაპიტონ ჟორჟოლიანი ადასტურებს. წყარო - imedinews.ge

ბორჯომის ხეობაში ამოვარდნილი ქარის გამო ცეცხლის რამდენიმე კერა კვლავ გააქტიურდა. ამის შესახებ ინფორმაციას რეგიონული განვითარებისა და ინფრასტრუქტურის სამინისტრო ავრცელებს. "დაბნელებამდე იმუშავებს საჰაერო ტექნიკა და მაქსიმალური ინტენსივობთ მოხდება დაფიქსირებულ კერებზე წყლის დაფრქვევა. ბორჯომის ხეობაში ამოვარდნილი ქარის გამო, რამდენიმე ადგილას კვლავ გაჩნდა ცეცხლი. მინისტრებმა ზურაბ ალავიძემ და ლევან იზორიამ, გენერალური შტაბის უფროსთან - ვლადიმერ ჩაჩიბაიასთან ერთად, ვერტმფრენით დაათვალიერეს სტიქიის ზონა, დააფიქსირეს კერების ზუსტი მდებარეობა და დასახეს სამოქმედო გეგმა“, - განაცხადეს რეგიონული განვითარების და ინფრასტრუქტურის სამინისტროში. წყარო - imedinews.ge

ხანძარია დუშეთის მუნიციპალიტეტის სოფელ თვალივში. დუშეთის მუნიციპალიტეტის გამგებლის, ვაჟა ჩოხელის განცხადებით, ცეცხლი დაახლოებით ორ ჰექტარ ტყის მასივზე გავრცელდა. რთული რელიეფის გამო, ადგილზე მძიმე ტექნიკა ვერ მიდის. ხანძარს 40-მდე მეხანძრე და რეინჯერი სპეციალური აღჭურვილობით ებრძვის. მათ ადგილობრივი მოსახლეობაც ეხმარება. დუშეთში ხანძარი გუშინ გაჩნდა, რომელიც დილისთვის ლოკალიზებული იყო. დღეს ქარმა ცეცხლის კერები კვლავ გააღვივა. წყარო - imedinews.ge

ბორჯომში ხანძრის სალიკვიდაციო სამუშაოები გრძელდება. ცეცხლის ჩაქრობას ერთდროულად 7 შვეულმფრენი ცდილობს. 2 ქართული, 2 აზერბაიჯანული, 2 თურქული და მსოფლიოში ყველაზე დიდი ვერტმფრენი "Mi 26" ბელორუსიიდან. გაჩენილია ცეცხლის ახალი კერა. ჩვენს დასახმარებლად მზადყოფნაშია ევროკავშირიც. არსებობს ხანძრის განზრახ გაჩენის ვერსიაც, ვინაიდან ადგილზე ნაპოვნია ბენზინის ბიდონი. ხანძარი ვარკეთილში ლიკვიდირებულია, ცეცხლი ხმელ ბალახს მოედო. დამწვარია 7 000 კვადრატული მეტრი ფართობი. საბედნიეროდ  არავინ დაშავებულა. ხანძარი ლიკვიდირებულია ატენის ხეობაშიც (გორი).                 

წინა სტატია დანიელმა პოლიციელებმა, ერესუნის ყურეში, იპოვეს უთავო ქალის ცხედარი, რომელიც შესაძლოა ეკუთვნოდეს შვედ ჟურნალისტს კიმ უოლს, რომელიც დანიელი გამომგონებლის წყალქვეშა ნავის ჩაძირვის შემდეგ გაუჩინარდა. ინფორმაციას ავრცელებს  BBC.   პოლიციელები აღნიშნავენ, რომ ჯერჯერობით შეუძლებელია იმის თქმა, რომ ნაპოვნი ცხედარი უოლს ეკუთვნის, ამიტომ უნდა დაელოდონ ექსპერტიზის შედეგებს. 12 აგვისტოს , გავრცელდა ინფორმაცია 46 წლის პეტერ მედსენის დაკავების შესახებ. მისი წყალქვეშა ნავის დანიის წყლებში ჩაიძირა. მედსენი ამტკიცებდა, რომ ჩაძირვა ბალასტის ცისტერნის პრობლემამ გამოიწვია. პეტერ მედსენს ცურვის დროს თან ახლდა შვედი ჟურნალისტი ქალი, კიმ უოლი, რომელიც გამომგონებელზე სტატიას ამზადებდა.  21 აგვისტოს, მედსენმა განაცხადა, რომ ჟურნალისტი კიმ უოლი მის წყალქვეშა ნავზე ყოფნისას შემთხვევით დაიღუპა. მედსენმა აღიარა, რომ უოლის გარდაცვალების შემდეგ, ის წყალში "დაასაფლავა". სხვა დეტალები სასამართლო პროცესის შესახებ უცნობია. წყარო  - imedinews.ge

სვანეთში, კალა-იფარის მონაკვეთზე მდინარე ენგურში ბესიკ ხარძიანის ცხედარი იპოვეს. 1tv.ge -ს ცნობით, ცხედარს 6 აგვისტოდან ეძებდნენ.  ბესიკ ხარძიანის კუთვნილი ავტომობილი მდინარე ენგურში 6 აგვისტოს აღმოაჩინეს. იმ დღიდან მიმდინარეობდა სამძებრო-სამაშველო სამუშაოები. ბესიკ ხარძიანი სოფელ კალას მკვიდრი იყო. imedinews.ge

ბ ორჯომის ხეობაში ხანძარსაწინააღმდეგო სამუშაოებში ვერტმფრენი ჩაერთო. სოფელ დაბასთან, ხანძრის ადგილზე შსს-ს სასაზღვრო პოლიციის ვერტმფრენი გამოჩნდა. საგანგებო სიტუაციების სამსახურის განცხადებით, რთული რელიეფის გამო, ადგილზე სახანძრო-სამაშველო ტექნიკის შეყვანა ჭირს და სწორედ ამიტომ გახდა საჭირო ვერტმფრენის გამოძახება. ეროვნული სატყეო სააგენტოს ცნობით, ვითარებას ძლიერი ქარიც ართულებს.  მეხანძრეებს ცეცხლის ჩაქრობაში ადგილობრივებიც ეხმარებიან. ხანძრის ლოკალიზება ჯერ-ჯერობით ვერ ხერხდება. სოფელ დაბასთან, 2008 წლის ნახანძრალ ტერიტორიაზე ხანძარი რამდენიმე საათის წინ  გაჩნდა.  ცეცხლი  2014-2017 წლებში აღდგენილი ტერიტორიებს ზემოთ არსებულ ფერდობზე დაახლოებით 1 ჰა ფართობზეა გავრცელებული.

2017 წლის ივნისში რუსეთმა 10,323 მილიონი ბარელი ნავთობი მოიპოვა 24 საათში, რაც საუდის არაბეთზე ამავე პერიოდში 253 ათასი ბარელით მეტია. ამის შესახებ ანალიტიკური კომპანიის Joint Organization Data Initiative  (JODI) -ის მონაცემები მეტყველებს.  რუსეთმა საუდის არაბეთს რეიტინგში იანვარში გაუსწრო და ამ დრომდე ინარჩუნებს ლიდერის პოზიციას.  მესამე ადგილზე ამერიკის შეერთებული შტატებია, რომელმაც ივნისში საშულაოდ 9,320 მილიონი ბარელი ნავთობი მოიპოვა, რაც 151 ათასი ბარელით მეტია, ვიდრე მაისის მონაცემები.  2018 წლის მარტამდე მოქმედებს ნავთობის მოპოვების შეზღუდვის დოკუმენტი, რომელსაც ხელი მოაწერეს "ოპეკის" წევრმა ქვეყნება. შეთანხმება მიმართულია ბაზარზე საქონის ფასების სტაბილიზაციაზე.  imedinews.ge

ამერიკელმა მეცნიერებმა გამელოტებასთან საბრძოლველი ახალი ეფექტური მეთოდი იპოვეს. ამის შესახებ ინფორმაცია ჟურნალ  Nature Cell Biology-ზე  და ლოს-ანჯელესის კალიფორნიის უნივერსიტეტის  ვებგვერდზე  გამოქვეყნდა. სპეციალისტები გამოდიან წინადადებით ღეროვანი უჯრედები იმ ფოლეკულაში გაააქტიურონ, რომელიც თმის ზრდაზეა პასუხისმგებელი. ეს პროცესი ორგანიზმის ძირითად ერთეულებში ლაქტატების(რძის მჟავას მარილების) წარმოშობის განბლოკვით უნდა მოხდეს. მეცნიერებმა ორი პრეპარატი შექმნეს, სახელწოდებით RCGD423 და UK5099, რომლებიც სხეულზე ლაქტატების წარმოშობას უზრუნველყოფენ. ექსპერიმენტები ჯერჯერობით მხოლოდ მღრღნელებზე ჩატარდა, თუმცა სპეციალისტების აზრით, ეს პრეპარატები ადამიანებზეც ეფექტურად იმუშავებს.   ადრე მეცნიერებმა არ იცოდნენ, რა ფორმით მოქმედებს ლაქტატების წარმოშობის ცვლილება თმის ზრდაზე. სპეციალისტები ფიქრობენ, რომ ახალი პრეპარატები გამელოტებასთან საბრძოლველად ეფექტური იქნება, მათ შორის ისეთ შემთხვევებშიც, როდესაც ადამიანს ჰორმონალური დისბალანსი აქვს, ქიმითერაპიის...

ქსელში გავრცელდა Foxconn-ის ქარხანაში გადაღებული ვიდეორგოლები . ამ ქარხანაში აწყობენ iPhone 8-ს. ვიდეოს საიდუმლოდ იღებდნენ და ცუდი ხარისხისაა. ვიდეოში ჩანს სმარტფონის კორპუსის უკანა სახურავი, რომელიც გარეგნულად სრულად ემთხვევა იმ გამოსახულებებს , რომლებიც მანამდე ინსაიდერებმა გამოაქვეყნეს. iPhone 8 -ს Apple-ი 2017 წლის შემოდგომაზე, კომპანიის ყოველწლიურ კონფერენციაზე წარადგენს. imedinews.ge

ბათუმში, გენერალ აბაშიძის ქუჩაზე მომხდარ აფეთქებასთან დაკავშირებით, ბათუმის მერია ოფიციალურ განცხადებას ავრცელებს, რომლის თანახმადაც, დაზარალებულ ოჯახებს უახლოეს პერიოდში თავშესაფრით უზრუნველყოფენ.  შემთხვევის ადგილზე ბათუმის მერი, გიორგი ერმაკოვი იმყოფებოდა. მისი განცხადებით, დაზარალებულ ოჯახებს თავშესაფრით უახლოეს პერიოდში ბათუმის მერია უზრუნველყოფს. რაც შეეხება დაზიანებულ შენობებს, ისინი დროებითი ბრეზენტით გადაიხურება. დღეს ბათუმში, გენერალ ასლან აბაშიძის ქუჩაზე რამდენიმე საცხოვრებელი სახლი  დაიწვა.  გავრცელებული ინფორმაციით, გაზგასამართი სადგური აფეთქდა. აფეთქების დროს სამი ადამიანი დაშავდა. მათგან ორი სამედიცინო დაწესებულებაშია გადაყვანილი.   ერთ-ერთ დაზარალებულს, 28 წლის კაცს სხეულის 90 პროცენტი აქვს დამწვარი. ის მართვით სუნთქვაზე იმყოფება. შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 240-ე პრიმა მუხლით მიმდინარეობს, რაც ელექტრო ან თბოლენერგიის - გაზის, ნავთობის ან ნავთობპროდუქტების ობიექტზე უს...

ბ ათუმში, ე.წ ბარცხანის დასახლებაში სატვირთო მატარებელი ქალს დაეჯახა. როგორც შსს პრესსამსახურმა On.ge-სთან საუბარში თქვა, დაშავებული ქალი საავადმყოფოშია გადაყვანილი. საქართველოს რკინიგზის პრესსამსახურის უფროსის დაჩი ცაგურიას თქმით, ქალი სარკინიზგო ლიანდაგზე გადადიოდა, რა დროსაც მას მატარებელი დაეჯახა. შინაგან საქმეთ სამინისტროს ინფორმაციით, მომხდართან დაკავშირებით გამოძიება სსკ-ის 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. on.ge

კანადის ქალაქ  ვანკუვერში ფილმის Deadpool-2 გადაღების დროს კასკადიორი ქალი დაიღუპა. ამის შესახებ  Guardian -ი წერს. გამოცემის ცნობით, ქალი მოტოციკლით ტრიუკის შესრულების დროს დაიღუპა. კასკადიორმა მართვის კონტროლი დაკარგა და იმ შენობის ფანჯრიდან გადავარდა, სადაც გადაღებები მიმდინარეობდა.  A motorcycle lays on the ground just across from Jack Poole plaza. You can't see here but above it is broken glass pic.twitter.com/zzl5Ag9gYT — Farrah Merali (@FarrahMerali) 14 августа 2017 г. imedinews.ge 

ჰოლივუდის მსახიობი ტომ კრუზი ფილმის "შეუსრულებელი მისიის" მეექვსე ნაწილის გადაღების დროს დაშავდა. ამის შესახებ  TMZ -ი წერს. ინციდენტი ლონდონში მოხდა. 55 წლის მსახიობი დამცავი თოკების გამოყენებით ერთი შემობის სახურავიდან მეორე სახურავზე გადახტომას ცდილობდა, თუმცა ვერ ნახტომი ვერ გათვალა და ფეხი კედელს მიარტყა. გამოცემის ცნობით, ჯერჯერობით უცნობია, რა სიმძიმის დაზიანება მიიღო მსახიობმა. "შეუსრულებელი მისია-6"-ის პრემიერა 2018 წლის ივნისშია დაგეგმილი. imedinews.ge

მესტიის გამგეობის პრესსამსახურის ინფორმაციით,  ბანგურიანის მთაზე ხანძარი ლოკალიზებულია, თუმცა მცირე კერები დარჩენილია. ხანძრის სალიკვიდაციო სასაზღვრო პოლიციის კუთვნილი ვერტმფრენი მონაწილოებს.  ბანგურიანის მთაზე ცეცხლი 2 ჰექტრამდე ფართობზე  გავრცელდა. რთული რელიეფის გამო სამაშველო მანქანების ადგილზე მობილიზება ვერ ხერხდებოდა და სწორედ ამიტომ გახდა აუცილებელი ხანძრის ლიკვიდირების პროცესში ვერტმფრენის დახმარება. ეროვნული სატყეო საგენტოს  განცხადებით , ხანძრის გამომწვევი მიზეზი შესაძლოა მაღალი ტემპერატურა ან მოსახლეობის დაუდევრობა გამხდარიყო. imedinews.ge

გეგა გენგაშვილის საავტორო ფილმი "სელემია"

პლანეტის ყველაზე ასაკოვანი კაცი ისრაელ კრისტალი , რომელმაც ჰოლოკოსტი გადაიტანა, 113 წლისა გარდაიცვალა. ამის შესახებ გამოცემა  JTA  წერს. კრისტალი პოლონეთში დაიბადა. მეორე მსოფლიო ომის დროს, ის და მისი ოჯახი ერთი კონცლაგერიდან, მეორეში გადაჰყავდათ. ლოძინის გეტოში მას ორი შვილი დაეღუპა და ოსვენციმში კი კრისტალის მეუღლეც მოკლეს. 1950 წელს, ის ისრაელში გაემგზავრა და ქალაქ ჰაიფაში ცხოვრობდა. იქ კრისტალმა მეორე ცოლი მოიყვანა, რომელთანაც ორი შვილი გაუჩნდა. imedinews.ge

ზესტაფონის მუნიციპალიტეტ სოფელ წევასთან, თბილისი-ქუთაისის ცენტრალურ მაგისტრალზე ერთმანეთს 4 ავტომობილი შეეჯახა. ამის შესახებ ინფორმაციას  1tv ავრცელებს. შემთხვევის შედეგად ერთ-ერთი ავტომობილის მძღოლი დაშავდა. საზოგადოებრივის ცნობით, ავარიაში მონაწილე პირების სიცოცხლეს საფრთხე არ ემუქრება. წყარო - imedinews.ge

დაახლოებით, ორი ჰექტარი მიწა შემოღობეს რუსმა ოკუპანტებმა ხურჩა-ნაბაკევის ადმინისტრაციულ საზღვარზე. ინფორმაციას  1tv.ge  ავრცელებს. როგორც სოფლის რწმუნებულმა ბადრი ხუნჯგურუამ განაცხადა, რუსმა სამხედროებმა რამდენიმე თვის წინ ამავე ადგილას ბოძები ჩაარჭეს, გუშინ კი მავთულხლართები გააბეს. წყარო - Imedinews.ge